Huzoor Akram (Sallallahu alahi wasallam) ki Namaz-e Janaza kis tarah padhi gayee?

• SAWAL : Huzoor Akram (Sallallahu alahi wasallam) ki Namaz-e Janaza kis tarah padhi gayee?

.

>> JAWAB : Huzoor Akram (Sallallahu alahi wasallam) ki Namaz-e Janaza Ada karna “Baa Jama’at” ke Saath naa tha… balke Jama’at aap (sallallahu alaihi wasalam) ke Qareeb aati aur bagair Jama’at ke Namaz padhti aur nikal jaati… fir doosri Jama’at aati thi aur padhti thi… Aap ka Jasd-e Aqdas usi “Hujra Mubarak” me me tha jaha aap ko Gusl diya gaya tha… sab se pahle “Mard” dakhil huwe,jab Mard Namaz se Farig hogaye to “Aurte” dakhil huyeen aur Aurto’n ke Ba’ad Bachche aaye istarah se Huzoor Akaram (sallallahu alaihi wasallam) ki Namaz-e Janaza padhi gayee.

Hazrat Ali (RadiAllahu anh) se Manqool hai ke Rasoolallah (sallallahu alaihi wasallam) ke Janaza Shareef” par kisi ne Imamat nahi ki ,isliye ke Huzoor Ayyam,Hayat-o Mumat, me Hamare “IMAM” hain… balke logo ne tanha tanha Namazen  padhi

{Madarij-Un-Nubuwwah-Jild-02-Safa No-747}

.

• SAWAL : Huzoor Akaram (Sallallahu alaihi wasallam) ki Namaz-e Janaza sabse pahle kin logo  ne padhi?

.

>> JAWAB : Ek Riwayat me hai ke sabse pahle jinhone Janaza shareef ki Namaz padhi wo Ahle Bait Nubuwwat the,Hazrat Ali,Hazrat Abbas,aur Hazrat Banu Hashim (RadiAllahu anhum) uske Baad “Muhajreen” unke baad “Ansar” aaye… fir aur log aaye,yaha tak ke Jama’at ki Jama’at huzra-e Aqdas me Dakhil hoti aur Namaz ada karti jaati thi.

Ye Tarteeb to Sahaba Ikram ki Namaz ki thi… lekin Jab Huzoor Akram (Sallallahu alaihi wasallam) ki Zahiri Zindagi me logo ne poochha tha? Ya Rasulallah! Aap par sabse pale kaun Namaz padhe?? Aap (Sallallahu alaihi wasallam) ne Faramaya tha : sabse pahle jo meri Namaz Janaza padhega wo mere dost Hazrat Jibreel honge,fir Hazrat Mikail honge,fir Israfeel honge,fir Malkal Maut, Giroh Farishto ke saath honge.

{Madrij-Un-Nubuwwah-Jild-02-Safa No-748}

.

NOTE : Yaha se ek baat wazeh hoti hai ke Hamare piyare AAQA (sallallahu alaihi wasallam) hayat hain aur Allah pak ne aap ko Ilm-e Gaib se Nawaza hai,warna ye bat aap (sallallahu alaihi wasallam) ko kaise Maloom hui ke aap ki Namaz Janaza sabse pahle kaun padhega?

 Kaha hain wo log jo hamare AAQA ke Ilme Gaib ka inkar karte hain… bade Afsos ki baat hai jab aise log ungli uthate hain… ek baat yad rakho jisne bhi Sarkar ki shan me Zarrah Barabar bhi Gustakhi ki wo Imaan se kharij hogaya aur uska thikana Jahannam hai… hamare piyare aaqa jab paida huwe to aap ke labon pe Ummati Ummati ki sadayen thi,Ya Rab meri Gunahgar Ummat ko Bakhsh de,aur Jab is Zahiri Zindagi se aap Jane lage tab bhi aapne apni Gunahgar Ummat ko nahi bhule… Aaj log Aise piyare Aaqa ki Shan me Gustakhi karte hain jisse sunne ke baad kya mere Aaqa ko Takleef Nahi hoti hogi.

Abhi bhi waqt hai Tauba karle woh log warana Allah hi jane unka kya hashr hoga.

.

ALLAH PAK SE DUWA HAI KE HAM SAB KE IMAAN KO MAHFOOZ FARMA AUR JO  GUSTAKHI KARTE HAIN YA ALLAH UNHE HIDAYAT DE ....AAMEEN